Студио Р е во континирана работна дејност од 2001година. Формирано е од страна на арх. Радован Раѓеновиќ и арх. Ненад Раѓеновиќ. Основна дејност на фирмата е проектирање, ентериер, ревизија, инженеринг, надзор и консалтинг. Се стекнавме со искуство работејки и со државни и со приватни инвеститори. Нашиот тим е квалификуван за припрема на техничка документација, тендери, проценка на инвестиции, одговорност за динамиката на тековните работи, анализи и завршни извештаи. Автори сме на објекти во Македонија, Русија, Украина, Црна Гора, Србија и Ирак.
Во нашата работа соочени со многу предвизвици секогаш се трудиме иницијалната идеја да ја претвориме во финален производ од кој ќе произлезе реализацијата. Проектирањето кое е сложен процес на една тимска работа секогаш се обидуваме да го интегрираме во заеднички процес на анализа, истражување и рaзмена на мислења на сите соработници и инвеститорот а на заедничко задоволство да дојдеме до крајниот резултат.

• јазици:  Македонски, Англиски, Руски и Српски

Дипломирал во 1964 год. на Архитектонско - градежниот факултет при Универзитетот „Св. Кирил и Методиј“ во Скопје. Постдипломска специјализација во 1972 год. на Интернационалната школа “Baucentrum“- Ротердам, Холандија. Професионална активност како архитект - проектант во: “Пелагонијапроект“ - Скопје, „Мавровопроект“ - Скопје, „Римако“ - Виена, Москва, „Будимекс“- Лавов, Украина и “Студио Р“. Реализирани проекти: хотел „Еуротел“, Струга; туристичка населба Дојран; автокамп Љубаниште, Охрид; хотел „Скопје“, Маврово; деловен објект “Југобанка“, Струмица; Олимписки базен Скопје; повеќе станбени објекти во Скопје; меморијални комплекси во Кочани и Митрашинци. Реализирани проекти во странство: туристичко - хотелски комплекс „3апољарие“, Сочи, Русија; станбен објект во Лавов, Украина; административен центар Рамади, Ирак. Повеќе награди и признанија на архитектонски конкурси, почесен граѓанин на Кочани, специјални признанија на БИМАС за реализирани проекти на Олимписки базен во Скопје, Туристички комплекс во Сочи, Русија и Диплома за афирмација на македонската архитектура во странство. Член е на Асоцијацијата на Архитекти на Македонија.

Дипломирал во 1998 год. на Московскиот Архитектонски Институт во Москва, Русија како магистар архитект. Професионална активност како архитект - проектант во: „Мавровопроект“ - Скопје, „Студио 2000“- Скопје и како проектант и надзор на објекти во „Студио Р“. Проекти и реализирани проекти: станбени објекти; подрачно министерство Струмица; катна гаража Прилеп; трговско угостителски павилјон Скопје; влезен павилјон во „Скопски Саем“; Гинеколошка поликлиника „Ре Медика“, Скопје; ентериери: деловен простор - претставништво “Roche“- Скопје, кафе - бар „9“- Скопје, конгресни сали „МБЦ“ во управна зграда на Скопски саем, забавен парк “Action Park“, Скопски саем - Скопје. Проекти во странство : станбена зграда во Будва, Црна Гора, станбен објект и деловен објект во Лавов, Украина, деловна зграда „Спарт - Плаза“- Москва, Русија, хотел „Милениум 2“- Поградец, Албанија. Признанија и награди и учество на архитектонски конкурси и научно истражувачки проекти : прва награда за проект Катна гаража Прилеп на БИМАС 2008; Благодарница на град Скопје за проект на „Мулти бизнис центар“- Скопски саем. Еколошки куќи - истражувачки проект ЕУ, Брисел; меѓународен конкурс за Македонска филхармонија. Познавање на програми за проектирање AutoCAD, програми MS Office Package, Corel, Photoshop. Член е на Асоцијацијата на Архитекти на Македонија.

Дипломирала во 1996 год. на Архитектонскиот факултет при Универзитетот „Св. Кирил и Методиј“ во Скопје. Професионална активност како архитект - проектант во “Македонијапроект“ - Скопје и како проектант и надзор на објекти во „Студио Р“. Проекти и реализирани проекти : станбени објекти; административен и трговски комплекс „Скопски пазар“, Скопје; хотел „Карпош“, Скопје; младински културен центар „Надеж“, Скопје; реконструкција на ГТЦ – Скопје; пливачки базен „Младост“, Отешево; куглана „Мусандра“- ГТЦ, Скопје; индивидуални станбени објекти; реконструкција на основно училиште во с. Кучково; архитектонско - урбанистички проект хиподром „Илинден“, Скопје; управна зграда и магацини во комплекс „Кока - Кола“- Пивара, Скопје. Проекти за објекти во странство: хотелски комплекс „Каменово“- Будва; Црна Гора; хотел “Наварија Нова“- Лавов, Украина. Учество на архитектонски конкурси и научно истражувачки проекти: социјални станбени објекти во Македонија; уредување на централно градско подрачје Скопје и Куманово. Еколошки куќи - истражувачки проект ЕУ, Брисел. Познавање на програми за проектирање AutoCAD, програми MS Office Package, Corel, Photoshop. Член е на Асоцијацијата на Архитекти на Македонија.

Дипломирал во 1974 год. на Архитектонско-градежниот факултет при Универзитетот “Св. Кирил и Методиј“ во Скопје. Професионална активност како архитект - проектант во: „Пелагонијапроект“ – Скопје, „Мавровопроект“ – Скопје и како проектант и надзор на изградба на објекти во „Студио Р“. Проекти и реализирани проекти: повеќе станбени објекти во Скопје, Македонија и Србија; пристанишна зграда на Аеродром Скопје; управна зграда во реонски центар Ѓорче Петров, Скопје; хотел во Маврово; туристичка населба во Охрид. Проекти за објекти во странство: пристанишна зграда на Аеродром Сочи, Русија; Административно-деловен објект во Сочи, Русија; саемски објект во Нижњи Новгород, Русија; станбена населба во Мисурата, Либија. Повеќе награди и признанија на архитектонски конкурси. Познавање на програми за проектирање AutoCAD, програми MS Office Package. Член е на Асоцијацијата на Архитекти на Македонија.

Дипломирал во 2008 год. на Архитектонскиот факултет при Универзитетот “Св. Кирил и Методиј“ во Скопје. Професионална активност како архитект - проектант во „Студио Р“. Проекти и реализирани проекти: индивидуални станбени објекти во Скопје; културно-информативен центар на тврдина Кале, Скопје. Проекти за објекти во странство: станбена зграда во Будва, Црна Гора; станбен објект во Лавов, Украина и реконструкција на деловен објект во Лавов, Украина. Учество на архитектонски конкурси: конкурс за објект на Македонска филхармонија, Скопје и конкурс за православен храм, Скопје. Познавање на програми за проектирање и компјутерска графика: AutoCAD, 3DStudio Max, програми MS Office Package, Corel, Photoshop. Член е на Асоцијацијата на Архитекти на Македонија.